വിശുദ്ധ ഖുർആനിലെ 108-ാമത്തെ അദ്ധ്യായമായ സൂറ അൽ-കൗഥർ, അതിന്റെ സമ്പന്നമായ അർത്ഥതലങ്ങളാലും ആഴമേറിയ സന്ദേശങ്ങളാലും ശ്രദ്ധേയമാണ്. 'അൽ-കൗഥർ' എന്ന പദം സൂചിപ്പിക്കുന്നത് 'സമൃദ്ധമായ നന്മ' അല്ലെങ്കിൽ 'ധാരാളം നന്മ' എന്നാണ്. ഇസ്ലാമിക വിശ്വാസപ്രകാരം, ഇത് സ്വർഗ്ഗത്തിലെ ഒരു പ്രത്യേക തടാകത്തെയും സൂചിപ്പിക്കുന്നു.
അവതരണ പശ്ചാത്തലം
തിരു പ്രവാചകർ മുഹമ്മദ് (സ) യുടെ ജീവിതത്തിലെ ഒരു പ്രധാന ഘട്ടത്തിലാണ് ഈ സൂറ അവതരിച്ചത്. നബിയോരുടെ പുത്രന്മാർ ചെറുപ്പത്തിൽ തന്നെ മരണമടഞ്ഞപ്പോൾ, എതിരാളികൾ 'അബ്തർ' അഥവാ 'വംശനാശം സംഭവിച്ചവൻ' എന്ന് വിളിച്ച് പരിഹസിച്ചു. ഈ സാഹചര്യത്തിലാണ് അല്ലാഹു തആല ഈ സൂറയിലൂടെ മുത്ത് നബിക്ക് ആശ്വാസവും ഉറപ്പും നൽകിയത്.
വചനങ്ങളുടെ സമഗ്ര വിശകലനം
ആദ്യ വചനം പ്രഖ്യാപിക്കുന്നത് അല്ലാഹു മുത്ത് നബിക്ക് അൽ-കൗഥർ നൽകിയിരിക്കുന്നു എന്നാണ്. അതായത് നബി(صلى الله عليه وسلم) ക്ക് അള്ളാഹു ധാരാളം അനുഗ്രഹങ്ങള്‍ നല്‍കിയിട്ടുണ്ട്. അള്ളാഹു പരലോകത്ത് മുത്ത് നബി(صلى الله عليه وسلم)ക്ക് നല്‍കുന്ന കൗസര്‍ എന്ന തടാകമാണുദ്ദേശ്യമെന്നും വ്യഖ്യാതാക്കള്‍ പറഞ്ഞിട്ടുണ്ട്. അള്ളാഹു തങ്ങള്‍ക്ക് നല്‍കിയ അനുഗ്രഹങ്ങളില്‍പെട്ടത് തന്നെയാണീ തടാകം എന്ന് വെക്കുമ്പോള്‍ ആദ്യം പറഞ്ഞ അര്‍ത്ഥം കൂടുതല്‍ അര്‍ത്ഥ വ്യാപ്തിയുള്ളതാകുന്നു.ഇമാം ഖുര്‍ത്വുബി(رحمه الله) പറയുന്നു: കൗസര്‍ എന്നത് സ്വര്‍ഗത്തിലുള്ള ഒരു നദിയാണ്. രണ്ട് പാര്‍ശ്വവും സ്വര്‍ണ്ണത്താലുണ്ടാക്കപ്പെട്ട ആ നദിയിലെ മണ്ണിനു കസ്തൂരിയേക്കാള്‍ സുഗന്ധവും വെള്ളത്തിനു തേനിനേക്കാള്‍ മാധുര്യവും ഉണ്ട്.
മഹ്ശറില്‍ ജനങ്ങള്‍ വിചാരണക്ക് നില്‍ക്കുമ്പോഴും മുത്ത്നബി തങ്ങള്‍ക്ക് നല്‍കപ്പെടുന്ന ഒരു വെള്ളത്തിന്റെ തടാകമുണ്ട്. നന്മ തിന്മകള്‍ തൂക്കിക്കണക്കാകുന്നതിനു മുമ്പ് നല്ലവരായ ആളുകള്‍ക്ക് അതില്‍ നിന്ന് മുത്ത്നബി(صلى الله عليه وسلم) വെള്ളം കുടിപ്പിക്കും. അപ്പോള്‍ വെള്ളം കുടിക്കാന്‍ വന്ന ചിലര്‍ അവിടെ നിന്ന് ആട്ടിയോടിക്കപ്പെടും. മുത്ത് നബി(صلى الله عليه وسلم)ക്ക് ശേഷം മതത്തില്‍ പുത്തന്‍ വാദങ്ങള്‍ ഉന്നയിച്ചവരാണാ ഹതഭാഗ്യര്‍ (ഖുര്‍ത്വുബി.20/157.158)
മുത്ത് നബി പറയുന്നു:
എന്റെ ഹൗള് ഒരു മാസത്തെ വഴി അകലമുള്ളതാണ്.അതിന്റെ ഭാഗങ്ങള്‍ സമമാകുന്നു(സമ ചതുരമാണ്)അതിലെ വെള്ളം പാലിനേക്കാള്‍ വെള്ളയും അതിന്റെ വാസന കസ്തൂരിയേക്കാള്‍ നല്ലതും അതിലെ പാന പാത്രം ആകാശത്തിലെ നക്ഷത്രങ്ങള്‍ പോലെയും അതില്‍ നിന്ന് ആരെങ്കിലും കുടിച്ചാല്‍ അവനു ഒരു കാലത്തും ദാഹവുമുണ്ടാവുകയില്ല.(ബുഖാരി,ഹദീസ് നമ്പര്‍ 6579)
ഹൗള് അല്‍ കൗസറിന്റെ അടുത്ത് ഞാന്‍ നേരത്തേ ചെന്ന് നിങ്ങളെ കാത്ത് നില്‍ക്കുമെന്ന് മുത്ത്നബി(صلى الله عليه وسلم)പറഞ്ഞിട്ടുണ്ട്.(ബുഖാരി ഹദീസ് നമ്പര്‍ 6575)
രണ്ടാമത്തെ വചനം ആരാധനയുടെ രണ്ട് പ്രധാന രൂപങ്ങളെക്കുറിച്ച് പരാമർശിക്കുന്നു - നമസ്കാരവും ഖുർബാനിയും. നമസ്കാരം ശാരീരികമായ ആരാധനയെ പ്രതിനിധീകരിക്കുമ്പോൾ, ഖുർബാനി സാമ്പത്തികമായ ആരാധനയെ സൂചിപ്പിക്കുന്നു. ഇവ രണ്ടും ദൈവത്തോടുള്ള കൃതജ്ഞതയുടെയും സമർപ്പണത്തിന്റെയും പ്രകടനങ്ങളാണ്.
മറ്റു പ്രവാചകന്മാര്‍ക്ക് നല്‍കിയതിനേക്കാള്‍ എത്രയോ അനുഗ്രഹങ്ങള്‍ മുത്ത് നബി(صلى الله عليه وسلم)ക്ക് അള്ളാഹു നല്‍കിയിട്ടുണ്ട്, അതിനു നന്ദിയായി അള്ളാഹുവിനു നിസ്കരിക്കാനും ബലിയറുക്കാനും നിര്‍ദ്ദേശിക്കുന്നു. ഈ ഉപദേശമായിരുന്നു മുത്ത് നബി(صلى الله عليه وسلم) യുടെ ജീവിതം മുഴുക്കെയും.
ദീര്‍ഘമായി നിസ്കരിച്ച് തങ്ങളുടെ കാലില്‍ നീരു വരികയും അത് കണ്ടപ്പോള്‍ ആയിശ(رضي الله عنها ) തങ്ങള്‍ എന്തിനാണ്‌ ഇങ്ങനെ കഷ്ടപ്പെടുന്നത്? അവിടുന്ന് പാപ സുരക്ഷിതന്‍ അല്ലെ?എന്ന് ചോദിക്കുകയും അള്ളാഹു എനിക്ക് നൽകിയ അളവറ്റ അനുഗ്രഹത്തിന്‌ ഞാന്‍ നന്ദിയുള്ളവനാവണ്ടേ ! എന്ന് മുത്ത്നബി(صلى الله عليه وسلم) മറുപടി പറഞ്ഞതും ഹദീസില്‍ ഉണ്ട്. നിസ്കാരമാണ്‌ എനിക്ക് ഏറ്റവും സന്തോഷം എന്ന് മുത്ത് നബി(صلى الله عليه وسلم) വിശദീകരിച്ചതും കൂടി ഇതോട് ചേര്‍ത്ത് വായിക്കണം. ഇവിടെ പറഞ്ഞ നിസ്കാരം അഞ്ച് നേരത്തെ നിസ്കാരമാണുദ്ദേശ്യമെന്നും ബലി പെരുന്നാള്‍ നിസ്കാരമാണെന്നും അഭിപ്രായമുണ്ട്.
ഖുർബാനി/ബലിയറുക്കുക എന്നത് ഉള്‌ഹിയ്യത്ത് അറുക്കുക എന്നതാണ്‌ ഉദ്ദേശ്യം. وَانْحَرْ എന്നതിനു നിസ്കരിക്കാന്‍ ആരംഭിക്കുമ്പോള്‍ കൈകള്‍ ഉയര്‍ത്തുകയും പിന്നീട് അത് നെഞ്ചിനടുത്തേക്ക്(താഴെ) താഴ്ത്തി വലത് കൈ ഇടത് കയ്യിന്റെ മേല്‍ നെഞ്ചിനു താഴെ നിസ്കാരത്തില്‍ വെക്കുക എന്നാണ് ചില വ്യാഖ്യാതാക്കള്‍ പറഞ്ഞത്. (അദ്ദുര്‍ അല്‍ മന്‍ഥൂര്‍ 6/689) وَانْحَرْ എന്നതിനു നെഞ്ച് ഖിബ്‌ലയിലേക്ക് തിരിക്കണം നിസ്കാരത്തില്‍ എന്നും വ്യാഖ്യാനമുണ്ട്. (ത്വബരി 15/370).
മൂന്നാമത്തെ വചനം തിരു നബിയോരുടെ എതിരാളികൾക്കുള്ള മറുപടിയാണ്. അവരാണ് യഥാർത്ഥത്തിൽ വംശനാശം സംഭവിക്കുന്നവരെന്ന് ഇത് വ്യക്തമാക്കുന്നു. ചരിത്രം തെളിയിച്ചതുപോലെ, പ്രവാചകരുടെ സന്ദേശം ലോകമെമ്പാടും വ്യാപിച്ചപ്പോൾ, എതിരാളികളുടെ പേരുകൾ പോലും മറക്കപ്പെട്ടു.
പാരമ്പര്യവും നല്ല സ്മരണയും നില നില്ക്കാത്തവര്‍ എന്നാണ് എന്നതിന്റെ ആശയം അതേ സമയം നബി(صلى الله عليه وسلم)യുടെ സന്താന പരമ്പരയും അവിടുത്തെ പ്രശസ്തിയും അന്ത്യ നാള്‍ വരെയും നിലനില്ക്കുകയും പരലോകത്ത് വര്‍ണിക്കാന്‍ പറ്റാത്ത അത്രയും മഹത്വം നല്‍കുകയും ചെയ്തിട്ടുണ്ട് (ബൈളാവി2/626). നബി(صلى الله عليه وسلم)യുടെ ആണ്‍ മക്കള്‍ ചെറുപ്പത്തിലേ മരണപ്പെടുന്നതിനെ സൂചിപ്പിച്ച് കൊണ്ട് മുഹമ്മദ്നബി(صلى الله عليه وسلم) ‘പിന്മുറക്കാനില്ലാത്ത വിധം വേരറ്റവരാണ്‌’ എന്ന് ആസ്വി ബിന്‍ വാഇല്‍ ആക്ഷേപിച്ചപ്പോള്‍ അവനെ എതിര്‍ത്തു കൊണ്ടാണ്‌ അള്ളാഹു ഈ ആയത്ത് ഇറക്കിയത്. ഉഖ്ബത്തുബിന്‍ അബീ മുഐത്തിനെ കുറിച്ചാണെന്നും നബിയെ ആക്ഷേപിച്ച എല്ലാവരെക്കുറിച്ചും ആണെന്നും അഭിപ്രായമുണ്ട്. (ത്വബരി 15/371)
നബി(صلى الله عليه وسلم) യുടെ മഹത്വം സ്ഥിരീകരിച്ച് കൊണ്ടും നബി(صلى الله عليه وسلم)യെ ആക്ഷേപിക്കുന്നത് അള്ളാഹു വകവെച്ച് തരില്ലെന്നും ഈ സൂക്തം നമ്മെ പഠിപ്പിക്കുന്നുനബി(صلى الله عليه وسلم) പറഞ്ഞു.
പ്രായോഗിക പ്രസക്തി
ഈ സൂറ നമുക്ക് നൽകുന്ന പാഠങ്ങൾ ഇന്നും പ്രസക്തമാണ്. ദൈവത്തിന്റെ അനുഗ്രഹങ്ങൾക്ക് നന്ദിയുള്ളവരായിരിക്കണമെന്നും, ആരാധനയിൽ ആത്മാർത്ഥത പുലർത്തണമെന്നും, പ്രതിസന്ധികളിൽ ക്ഷമ പാലിക്കണമെന്നും ഇത് നമ്മെ ഓർമ്മിപ്പിക്കുന്നു. പ്രത്യേകിച്ചും, ജീവിതത്തിലെ വെല്ലുവിളികളെ നേരിടുമ്പോൾ ദൈവത്തിലുള്ള വിശ്വാസം നമ്മെ ശക്തിപ്പെടുത്തുന്നു. ആരെങ്കിലും സൂറത്തുല്‍ കൗസര്‍ പാരായണം ചെയ്താല്‍ സ്വര്‍ഗത്തിലെ എല്ലാ നദികളില്‍ നിന്നും അവര്‍ക്ക് അള്ളാഹു കുടിപ്പിക്കുകയും ബലി പെരുന്നാള്‍ ദിനത്തില്‍ അള്ളാഹുവിനു ബലിയറുക്കുന്നവരുടെ എണ്ണം കണ്ട് പത്ത് നന്മകള്‍ അവര്‍ക്ക് അള്ളാഹു കണക്കാക്കുകയും ചെയ്യും. (ബൈളാവി2/626)
സാംഖ്യിക സവിശേഷതകൾ
സൂറ അൽ-കൗഥറിൽ മൂന്ന് വചനങ്ങളും പത്ത് വാക്കുകളും 42 അക്ഷരങ്ങളും അടങ്ങിയിരിക്കുന്നു. ഇതിന്റെ ഹൃസ്വത കാരണം എളുപ്പത്തിൽ മനഃപാഠമാക്കാൻ കഴിയുമെന്നതും ഒരു പ്രത്യേകതയാണ്. ഭാഷാപരമായി നോക്കുമ്പോൾ, 'ർ' എന്ന അക്ഷരത്തിൽ അവസാനിക്കുന്ന വാക്കുകളുടെ ആവർത്തനം അതിന് സംഗീതാത്മകത നൽകുന്നു.
സമകാലിക പ്രാധാന്യം
ഇന്നത്തെ ലോകത്ത്, വിശേഷിച്ചും ഭൗതികവാദത്തിന്റെ പ്രഭാവം വർദ്ധിച്ചുവരുന്ന കാലത്ത്, സൂറ അൽ-കൗഥറിന്റെ സന്ദേശം കൂടുതൽ പ്രസക്തമാകുന്നു. ഇത് നമ്മെ ഓർമ്മിപ്പിക്കുന്നത് യഥാർത്ഥ സമൃദ്ധി ഭൗതിക നേട്ടങ്ങളിലല്ല, മറിച്ച് ആത്മീയ മൂല്യങ്ങളിലും ദൈവികാനുഗ്രഹങ്ങളിലുമാണെന്നാണ്. ഇത് നമ്മുടെ ജീവിതത്തിൽ പ്രതിസന്ധികൾ നേരിടുമ്പോൾ പ്രത്യാശയും ആത്മവിശ്വാസവും നൽകുന്നു.
